Piumassuseq taanna Namminersornermut inatsimmi kapitali 8-kkut tunniunneqarpoq. Inatsimmi allassimavoq Kalaallit Nunaata namminersulernissaanik aalajangerneq inuiaat kalaallit aalajangigassarigaat. Pisut kingumut ingerlatikkaanni taava pisut ima ingerlassapput

7: Kalaallit Nunaat namminersulerpoq imaalisoqareermat
6: Folketinget inaarutaasumik akuersissuteqarmat
5: Kalaallit Nunaanni inuiaat taasitinneqarmata
4: Inatsisartut akuersimmata uuma nassatarisaanik
3: Naalakkersuisut danskillu naalakkersuisuisa isumaqatigiinniarnerat
2: aallartinneqarpoq inuiaat piumasarimmassuk namminersorneq pillugu isumaqatigiinniartoqalissasoq
1: isumatuumik oqallinnerup kingorna (tassalu matumuuna tamannarpiaq kajumissaarutigaarput!)


Tassalu aallarniummi oqaatigineqartutut naalagaaffiit inatsisaat naapertorlugit inuiaat kalaallit inuiattut kiisalu danskinit allaasumik kalaallisut kinaassuseqartutut akuerisaapput. Aammattaaq inatsisitigut aalajangerneqarpoq kalaallisut oqaatsit Kalaallit Nunaanni pisortatigoortumik oqaasituaasut (§ 20)